Colo

Leave a comment

Esto’tis una puta mierda y yo nun entiendo nada….

Siguimos en www.lamazanamecanica.blogspot.com

Fiumata bianca: Cascos escoyíu

Leave a comment

Bono, yá faló’l títulu, asina qu’esta entrada nun da yá pa muncho más.

 

Voi refuxame na bébora, pero non n’alcoholica, sinon na asturiana por escelencia: l’augua, y pa ello voi salir de casa y abrir la bouca, a ver l’augua qu’entra dientro, que l’augua tamién’tis bébora; y’tis, entá, d’áu se pescan los salmones, que tanto-y presten a Cascos.

Lolo’l de Corniana ya Nacho Fonseca

Leave a comment

Ufff… Sigo un pouco perdíu col tema esti de WordPress, pero bono, la ocasión pidi facer una entrada…

Ayeri houbo nel Auditoriu Príncipe Felipe d’Uvieo dos homenaxes, homenax a Lolo’l de Corniana ya homenax a Fonseca.

A Fonseca vilu na entrada xusto del Auditoriu, ya ehí dí-y la norabona, ya saludelu. Que suerte esti homenax (merecíu con MAYÚSCULAS) en vida. Un home de música, un home d’asturianu, un home d’enseñu. Ya houbo muncha música, que la sentí you, ehí taban ente outros Los Berrones ya Alfredo González, esos ente outros. Ah, ya Xentiquina, que tamién fonon homenaxeaos (Qué sedría Fonseca ensin Xentiquina… ya viceversa).

Ya llou, Lolo.

¿Qué dicir de Lolo?

You taba na Bretaña Francesa cuando lu conocí. Él en Santueña, nas Cuatro Villas.

Ya xusto cuando él morréu, fomos compañeiros na Caxa d’Aforros, pero él nunca lo soupo. Nun lo llegóu saber. Yá esti fin de selmana (el prósimu domingu yá), toca outra vuelta Santueñina. Ehí diba volver velu. ¡Ái, quien cuntaba que diba morrer tan nuevu!

Podía falar d’él… vaya, facer un llibru. Pero ésti, agora, nun yía llugar.

Conque remítome a la fecha d’ayeri, áu feixemos una canción, el Kyrie, que fora’l primer cantar qu’él m’enseñara, ya qu’afonda na tradición más vieya de la misa gaita, que tantas ya tantas vegadas interpretamos polos pueblos del Conceyu ya alredore.

Bono, volviendo al principiu, los dos homes fonon (Fonseca yíalo inda, ya por munchos años más) xente de música ya asturianistas. Anuite foi un bon día d’homenax pa la música ya la llingua del país; ya por supuesto pa las familias ya pa los homenaxeaos. Por todos ellos…

Nueva direición del blogue de momentu…

Leave a comment

Cumo toi cumo una auténtica pollina, eiquí apamestáu delantre la pantalla que nun séi remanar nada, nun m’entero de nada d’esti blogue, que toi’til los coyones de la mierad esa de símbolu que paez de la VolksWaggen, bono, voi dir sacando cousas en blogspot, pero tornaremos, a poucoñinos, eiquí, áu viniemos pa quedanos, col permisu de Nireblog.com

Tamos en Lamazanamecanicaenespanol.blogspot.com

Welcome to Asturies, Viḷḷamanín de la Tercia

Leave a comment

Anda la vecería too esprecetao per Viḷḷamanín de la Tercia, ehí xunto a Ḷḷena, pero pal otru llau, yá en tierres de Llión.

Y dicíame un amigu, qu’él encantáu, asina cuando fora mercar pan de lo bono, d’eso de lleña que tan bien lo faen, nun diba salir d’Asturies. Y yo, tamién, asina cuando fora a Viḷḷamanín, nun diba tampoco salir d’Asturies.

El casu’tis que la xente del pueblu o lo que sía aquello, anden a la griesca col alcalde (pa eso lu votaren, pa tar en griesca continua, sinon nun sacaba mayoría absoluta)’cause nun-ys punxeron unes lluces de nadal, y eso, queráis que non, jode muncho. Llueo nin vien Papa Noel nin los Trés Reis Magos. Ye más, los asturianos Príncipe d’Aliatar nun xube,’cause eso nun pertenez siquiera a Asturies, y l’Anguleru, tampoco,’cause ta llonxe de L’Arena. Nin siquier xube ehí nin L’Esteru nin El Pandigueiro, pero eso dos sí que nun-ys da muncho más,’cause ún’tis mediu cántabru y l’otru mediu gallegu…

Y bono, votaron al so alcalde del PP, pero’cause asina pasan pa col de Ḷḷena, que’tis d’Izquierda Xunida, y si votaran en Viḷḷamanín a un puntu d’Izquierda Xunida ¿cómo diben agora pidir ser asturianos, sí yá teníen alcalde coloráu?

Eso sí, ai non, si son asturianos, entós diben llamase non Villamanín de la Tercia, sinon Viḷḷamanín, o Viḷḷamanín de Ḷḷena, o del Puertu p’aḷḷa o dalgo asina… Que-ys quede claro…

Sicasí, siemrpe dixi que lo primero que tenía, dientro d’una espiral espansiva, facer el Principáu’twas entrar a sangre y fueu na Islla La Deva, el Peñón de la playa Bayas, ehí pa Castrillón. Había que llantar una guardería (un puestu guardamontes) y poner un practicante del SESPA. Asina ési diba ser el conceyu 79 del Principáu; llueo yá miraríamos ver pal Sur. Pero lo primero, la Islla la Deva (bono, o peñón o lo que sía).

A Asturies fai falta tener el so particular Peñón de Xibraltar, y ehí na Deva hai un fermosu de xuru. Darréu d’ési, Viḷḷamanín, sacante que nesti casu’tis la xente -seique coyunturalmente, seique como mal menor- que prefiera ser asturiano nantes qu’otra cosa.

Si’tis asina, bienllegaos.

(Ai cómo se nota que nun nos conocen bien…)

Acabamos en WordPress

Leave a comment

Paez ser que Nireblog echó’l pieslle. Foi una pena,’cause yo, polo menos, atopábame con ellos. Pero la vida’tis asina, y nun queda otra que reciclase o morrer.

 

Afayáivos en La Mazana Mecánica en WordPress. A pocoñinos diremos faciendo’l sitiu más y más semeyáu -lo más posible- al antigu. Eso sí, fiximos la nueva bitácora con WordPress y non con Blogspot’cause WordPress tien una versión n’asturianu -qu’inda sigui desendolcando la so torna a esta llingua- y blogspot, parafraseando al noble facha, nin la tien nin s’espera.

 

La Xerencia del Blog.

FÁCer la Risión: Cascos y CaxAstur

Leave a comment

Qué Cascos’tis un cacicón o va selu, como lo son PPSOE,’tis una verdá que va tar a piques yá de cumplise.

Agora Franquito sal cola cosa de qu’unvió una carta a CaxAstur mandando nun sé que de ser una “fundación pública tutelada por el Principado”. ¿Y entós que’tis ho?

Una Caxa d’Aforros ’tain’t otra cosa qu’eso, una ente fundacional, una fundación, con un patrimoniu, un volume negociu y participaciones n’empreses, que furrula al final como un grupu empresarial, pero con un llabor social, una obra social, marcada nos sos estatutos de fundación.

Pero claro, Franquito anda a ver si saca’l so campanu particular,’cause lo d’él’tis’l ríu, y nun s’entera qu’hai una Llei de Caxes que sacó alantre’l Congresu Diputaos de la so querida (sic) “Nación Española”.

Por cierto, Franquito nin dixo nin sigui ensin dicir -y yá lo veréis- que nun dira una palabra n’asturianu, nin va falar n’asturianu, que’tis cosa que tien a gala (nun falar esta llingua, a la que per otru llau quier muncho).

Pero ehí ta la cosa; faló Franquito y callen los presentes,’cause él sabe, que’tis de los del réxime; vaya, un poco desfarxoletáu, pero del réxime, que bien lo conoz, y sabe como furrula la cosa.

Conque sal la noticia de que quier que CaxAstur nun sé qué, pero da igual, la fusión de les Caxes d’Aforros yá ta decidía,’tis una pérdiga tiempu y tar a la busca de sensacionalismu falar d’ello. Que taba meyor regando ocalitos, que piden muncha agua.

Rescampla qu’agora Franquito sía amigu de que’l sector públicu participe y tutorea la economía, cuando ¡mao! vien del PP.

¡¡¡Qué trés pates pa un bancu, nunca meyor dicho, PPSOEFranquito!!!

Older Entries