Jose Luis Cuerda en Salas

Leave a comment

Voi tener qu’abrir una nueva seición: “Convocatories pasaes”.

Yá anunciara tarde a Dick Dale, y agora toca Jose Luis Cuerda. L’albaceteñu tevo esti vienres pasáu en Salas, ciarrando un ciclu de nunsequé. Pero bono, tar, tevo.

el-cineasta-jose-luis-cuerda-durante-el-pase-graf-2008082613393313hg2.jpg

Diba prestame tar, pero como nel casu de Dick Dale, nun pudo ser. Pero polo menos sí vi les sos pelicules, o dalguna d’elles. Memorable “Amanece que no es poco”.

La etnografía en Grandas había ser profesión de riesgu

Leave a comment

You la verdá yía que colo del Muséu de Grandas, plifo, que diría’l gran Henry Felgueroso. Pero más que’l muséu en sí, lo que muncho me da que pensar son los sous alministradores. El Ferreiro ya l’outru. Al outru acabanon ayeri de meté-y una patada nos tolanos, ya you nun fui. Nun yía broma. Nin que you nun fora nin que-y la metienon.

Lo meyor de too foi que salíu’l Principáu en defensa del Outru. Ya digo you, ¿nun taba bien mandar p’allá al grupu adscritu de la policía autonómica del Principáu d’Asturias pa que miren pola integridá testicular del Outru? Vamos, ou que-y pongan una coquilla….

kasikao-coquilla-pro.jpg

De todas maneras, esto ta mal ya yía una cousa mui fea. Cuido, seique, que-y tenían qu’obligar al que-y la diou a que-y pidiera perdón. Pero eso sí, había que mandar una unidá móvil de RTPA, pa facer una desconexón pa la’boutmesa de “Con dos de azúcar” ou “Conexión Asturias”, ya que lo grabaran todo.  Total, yía un asuntu autonómicu.


Sicasí, el comerciante niega que-y metiera tal patada. Igual foi too tramáu pola maquiavélica mente del Outru, ya se llesionóu él solín… ou cola axuda de daquién cercano, vaya. Entós eso sí que diba ser un bombazu… El Petromochu a la vera del Grandaswate sedría un yaspardín.

Un Incisu

Leave a comment

La todopoderosa prensa del país anda a engarradas col tema (pa dalgún diariu cola tema, cola tema que tienen col tema) del asturianu. Obviamente, siempres, pal NeoLliberalismu, la cousa vei de cuartos, sovenciones ya perras en “B”; ya fora d’ello, Llibertá.

Ya eiquí vien la tema (col tema siempres detrás):

Mentres que pa Asturies.com Bubok ufierta de baldre los conteníos de l’ALLA escosaos; pa La Nueva España son en venta.

… Bono, el casu yía qu’haber, hai alcuerdu.


La selmana pasada andouvo esti peisanu por Xixón, cara’l Casinu de Xixón. ¿Vísteislu? You nun poude, asina que llevo duas selmanas cásique con un mal cuerpu tremendu. Dick Dale, un highlander. Ximielga inda’l cadril que tal paez un ocalitu cuando fai bien d’aire… Con 72 añinos. El miou ídolu.

Cuntame quien lu viou nel Casinu de Xixón qu’agora tocóu Misirlou igual, pero en color! ¡Wow!


Unde tán que lo vierten yía pal occidente’l país, pal Eo-Gambia. Iniciativa guapa, sí señor.

Descripción (Técnica) d’un Ocalitu

Leave a comment

Árbol planiperennifoliu monoicu de 30-60m d’altura. La corteya esforgaxa cuando’tis adultu en tires verticales de diferentes colores (gris platiao a anaranxao). Fueyes nueves opuestes, ensin peciolu, de llimbu oval o ovalllancioláu; glauques y preinoses. Falses fueyes cuando son madures (filodios) alternes y pecioales; estreches, llanciolaes, de color verde escuro, coriácees y acuminaes. Flores grandes, blanques, solitaries o en grupos de 2-3 con forma de caxina; al desprender la tapadera sopelexen gran númberu d’estames blanco-mariellos.  Florez principalmente ente xunu y payares, magar que tamién de forma irregular tol añu. El frutu’tis secu y céreu, tipu cáusula, que s’abre al traviés d’un opérculu que dexa ver 3-5 valves triangularees cargaes de grana. Maduración biañal.

 eucaliptog1.jpg

 (Guía de los árboles d’Asturies, Bertu Ordiales/ Guillermo César Ruiz, Trabe, Uviéu, 2006)