Don Rafael, alón

Leave a comment

Nesti día 28 d’Avientu de 2010 morrió’l Presidente Fernández.

rafael-fernandez-12.jpg

Don Rafael Fernández (Uviéu 1913-2010) foi yá na República miembru del Conseyu Soberanu d’Asturies, conseyeru de Facienda y, llueu, de Xuventú.

Tevo, poro, que depués de la Guerra marchar al exiliu a Méxicu,’cause si lu pañen los facistes faen morciella con él.

Y, a la muerte de So Excremencia, a la sazón Xefe Mayor del Establu, Franco, Don Rafael volvió p’Asturies.

El políticu de la FSA- PSOE, que vistía mandilón polo que cuenten, foi a la so torna, el primer presidente del Principáu d’Asturies, de l’autonomía; foi quién pasó de Presidente del Conseyu Rexonal (Provincia d’Uvieo) a Presidente del Principáu d’Asturies; quién estrenó l’estatutu, masque per dos años.

You teolo visto muncho pel Parque d’Iviernu d’Uvieo de la que yo salía a correr. Él, mayorín yá, diba en silla ruedes, y tenía alzheimer.

Como Alfredo Di Stéfano, Don Rafael’twas presidente d’honor de la FSA, y xienru de Belarmino Tomás.

Dicen d’esti republicanu y antifacista que nun tenía un especial inclín asturianista, y que solía asonsañar a los dirixentes socialistes de les Cuenques, pol so mou de falar. Sicasí, foi ún de los impulsores del Muséu de Belles Artes d’Asturies y de l’Academia de la Llingua Asturiana.

Pero especialmente Don Rafael’twas antifranquista. Qu’abondu’tis.

Viva Galicia

1 comentariu

Que Galicia lleva años de ventaya a Asturies no qu’a tarrén cultural refierse nun me paez que, dicilo en voz alta, axore a naide, nin si quier choque.

He dicir tamién, na mio descarga, que personalmente soi un almirador y un namoráu del País Vecín, y en relidá opino que asturianos y gallegos somos les dos comunidaes o naciones más semeyaes del estáu español, y podiera dicir que d’Europa; más que gallegos y Portugueses, más qu’asturianos, lleoneses y cántabros, por poner un exemplu, magar que sí qu’heba familiaridá y tamién, por qué non, bona vecindá.

Amás, en Galicia danse los ocalitos perbién.

Pa min Galicia, Asturies, Lleón, Zamora y Tras-Os-Montes (con Miranda del Douro) forman una unidá, una rexón, anque nun heba un xeitu alministrativu sí lo hai no espiritual, no hestórico y no cultural.

Vaya, que como dicía una peisana nel programa d’ Ambás, somos primos carneiros; podía ser de cualaquier de les tierres que nomé, pero fora una señora de Lleón, de La Cabreira.

Too esti rollu cinca a que na TV de Galicia, n’A Galega, hai unes anuncies de los supermercaos Gadis (una cadena gallega) na que, bono, vou xubir los videos:

Aínda remembro de la que saliera TVG la de crítiques que-y facíen, p’asonsañala l’establishment provincianu, cuando dende Asturies pidíen por una tele n’asturianu. 20 años dempués, ehí ta’l resultáu de la Industria Audiovisual Gallega.

Poro, finalmente, Galicia ta considerada una nación y Asturies non. Lo peor’tis que l’establishment (y el so coriféu) tán contentos…

Nueva Campaña del Principáu

Leave a comment

Igual, coincidencia o, seique, non, presentóse estos díes la campaña del Gobiernu Asturianu “Soi lo que como, como lo que soi”.

Trátase d’una campaña entamada pola Conseyería de Mediu Rural y Pesca (que ta en manes d’Aurelio Martín, d’IX-LV) que cinca a dos pegoyos: per un llau los productos asturianos más típicos, con denominación d’orixe protexida, como pue ser la sidra, la faba o’l choscu, y per otru llau valida, o da usu al asturianu na mesma campaña,’cause salío nesta llingua.

 

miniaturaphp.jpeg

 

Ello’tis bono. El productu asturianu’tis bono, ta bien trabayao, y lo qu’aínda nun algamó la calidá’nuff ta en calce facelo. Hai bona carne, bona sidra, bona faba, bona güerta, bon embutíu -por nun falar de la cocina- y agora tamién, bon vinu.

Esta’tis una bona noticia, pero de la qu’ún abre la páxina de la campaña institucional da con esto:

http://www.comenasturiano.es

 Too ta en castellán. Nun’tis que nun nos preste esta llingua hom, pero vaya, un engañu al final.

La mio entruga’tis, ¿cómo vamos vender lo nueso si nun creyemos nello?

Al final dámonos cuenta de que l’asturianu vende, eso ta bien, pero si nun creyemos nello y sólo facemos fachada, entós vaya mal.

Amás, ¿por qué nun se fala de la calidá del Ocalitu asturianu? ¿Por qué nun-y dan una denominación d’orixe? ¿Qué’tis que nun lo val?


Tamien per estes feches reeditó l’ALLA’l llibru de García Arias “Llingua y sociedá”. Home, nun vo dicir que la cosa nun cambió,’cause sedría mentir, magar que yo nel añu 76 nun taba nin llicitáu, y nel 84 tenía 0 años. 

Pero tampoco tanto evolucionó.