Que non que non,’tis Guimarán y Logrezanaaaaa

Leave a comment

Ḥa ḥa ḥa… cómo me presta ver esti video:

 

 Bono ési sí, pero tamién ésti:

 

Ná ho, dicíi la verdá, que foron prehí pelos pueblos formando integristes llingüísticos, gracias a Dios que ta ehí LNE que gasta rigor a galfaraes, y dexa claro que non, que non, que’tis Guimarán y Logrozona y Piedeloro y la puta so madre.

Ái si nun fora per esti anunciu…

 

Paez que yá lo toi viendo: Soi de Quimarán, pero como me lleo la prensa mariella traigo la cabeza mal, y marcho pa (El) Pieloro, pero nun me lo da, suicídome de xuru en Llorgozana o en Priendes o Prevera….

 

Bon, pos ehí vos vé. Que vos preste bien, a min abondo.


Perdón. Ye que ta entrándome vergoña ayena,  polo de LNE y El Comercio. Bono, voi rime otru cachín más que faime gracia, de veres…

Ḥa ḥa ḥa … (y de magar).

Advertisements

Nel Occidente…. Bloque-UNA: Compromisu por Asturies

Leave a comment

Chegóume un corréu esta vegada cola presentación de las propuestas de la candidatura Bloque por Asturies- UNA a la Xunta Xeneral nas eleiciones vinientes del mes que vien n’Asturias. Nel Principáu d’Asturias, perdón.

Ya’l candidatu na circunscripción occidental yía don Fernando d’Álvaro, paracaidista.

¿Paracaidista?

Bono, primera custión: El mayor paracaidista yía Francisco Álvarez Cascos; qu’amás rodease de xente que touvo en milenta partíos. El militante mediu de FAC (hai que ser pa poner las iniciales miesmas a un partíu, por muito que lu fundes) touvo -de xeitu midíu- militando anteriormente en cuatro partíos; ya 1 de cada 50 militantes fundo ente 2 ya 3 partíos; ya a min que me rexistren…

Fernando d’Álvaro, que panriba yía amigu míu. Ya you sou del Occidente, sí, pero non paracaidista,’cause nací ya vivo na circunscripción occidental. Conque yá sabréis pa óu vei’l miou votu… Blanco ya en botella.

¿Un votu?

Habrá quien diga “Ḥa ḥa, éstos nel occidente sólo vein arrañar un votu,’cause solo los vei votar el ḷḷocu esi de La Mazana Mecánica, qu’amás igual nun ta nin censáu, nun s’ocupa ou’til se-y esqueiz”.

Pero un votu vei ser’nuff pa sacar más votos que los que vaiga sacar nesta circunscripción asturiana del occidente’l PP tres la marcha de Cascos. ¿A daquién se-y cortóu ‘l cuayu? Hala a rascalla!

Sí, seilo. L’outru día vienoo’l ḷḷobeiru’l PSOE a mercar queisu a Salas. Bono, si ’tain’tra él sedría que vienon el güercu; pero non, hai xente que sabe que Javier Fernández feixo un pactu col diablu, polo qu’índa algama a  presentase a las eleiciones  a la Xunta Xeneral.

Pero non. Vou contar un secretín (un par): Javier Fernández nun yía nengún rapacín: sólo tien unos meses menos qu’Álvarez Cascos (Espinosa nun cuenta, anque vei ser la siguiente presidenta del Conseyu de Gobiernu; pero eso yía outru cantar) ya con eḷḷo dicir que ḷḷeva nesto de la política milenta anos. Ya mentres touvo’l Gochu Fartón, l’Home-Ḷḷobu andouvo prehí de Guardia de Corps. Conque sabéi que vei ser más de lo miesmu. Cascos nun tien tantos anos cumo aparecente, pero tien cara bulldog. Ya -Pérez-Espinosa que tamién s’apeḷḷida de segundu “Lobón” ou dalgo asina, ya nun yía coña.

Qué queredes que vos diga… L’Home Ḷḷobu, el Bulldog ya Lobón… Vaya facha que tenemos ehí en frente…

Fernando d’Álvaro yía nuevo, pero mozu de verdá. Ya amás él si vien pal Occidente más reconditu cada vuelta que pue ya tien tiempu; sí, amirái, nesto Fernando d’Álvaro perde’cause yía’l políticu más raru, que nun-y fai falta que-y cheguen las eleiciones pa chegar a eiquí venir falar cola xente, dar una vuelta, xubir al Aguión, dir xantar al Ḷḷinu d’Ayande ou dir al Carme Cangas ou xubir a Tinéu a tomar dalgo un sábadu.

Porque pa qué nos vamos engañar que vengan los outros pelgares a nun ser qu’heba una inauguración ou una campaña electoral…

Conque eso yía lo qu’hai.


Por cierto, que’l candidatu a la circunscripción oriental, don Xuan Castañón tamién ḥabló con pricuro, y con enfotu. Vese tamién una persona preparada qu’amerita entrar na Xunta Xeneral pa plantegar los problemes del oriente, que falta-yos ḥai tener voz.


Sorpriende  tamién ver una rapacina del Uruguái siendo vocera de la Mocedá d’esta coalición. Teo dicir qu’al principiu chocóme que nun dixera verba n’asturianu, pero cuando dixo que’twas nacida nel Uruguái yá, entós nun me sorprendió. Ya nun me sorprendió’cause’l nacionalismu asturianu, de siempre, digan lo que digan,’tis una ideoloxía internacionalista.

Suerte-ys deseo a la rapaza, a Fernando, a Xuan, al Bloque-UNA ya a los sos candidatos nestas eleiciones ya nel futuru.  De mano sábese que l’occidente va tar bien representáu bien; y falen de los nuesos problemes: l’agru, les infraestructures, el desemplegu, el caciquismu…

Ecoloxía… llingüística

Leave a comment

Ah, que guapu sona. Yá lo sintiera yá, sí ho, pero agora volvéu a las mías oureyas por mor del programa Ben Falado! d’A Galega, que tanto s’esbillóu na rede. Ya refiérome al programa dedicáu a la comparanza ente l’asturianu ya’l gallegu.

Ecoloxía. Con esi aquel de la xente qu’usa’l diccionariu de la RAE cumo si fora una enciclopedia, pueis por puru mimetismu faigo lo mesmu col DALLA, ya esto yía lo que trai:

Ecoloxía, la: sust. Parte [de la bioloxía qu’estudia les rellaciones de los seres vivos ente sí y col mediu onde viven].

Rellaciones. Ya yía cousa de la bioloxía, pero cumo tantos outros términos ya tantos conceptos aportan a las ciencias sociales. Podía falase tamién, por qué non, d’Ecoloxía Llingüística, cumo “Parte (de las ciencias sociales ou de la filoloxía qu’estudia las rellaciones ente una comunidá humana ya la llingua qu’usan).

Bono, esa yía la mía definición. Pue que nun sía tolo bona que yía la que trai’l DALLA, pero igual val pa metese en fariña: entender la recuperación  de la llingua ou del padremuñu llingüísticu asturianu cumo si se tratara del caltenimientu del verde ya la fauna.

Siempre ví ecoloxía ya recuperación llingüística cumo dalgo mui someyáu, ya qu’inclusive tienen puntos en común, tanto na súa finalidá (conservación adecuación, previsión ya desenrollu) cumo na súa concepción más primoxénia, nel sou quéi. 

Digo qu’hai una afán de conservación,’cause hai que caltener el medio, sía una ecosistema biolóxicu ou sía llingüísticu. Hai un puntu que trata d’adecuación, sí,’cause la llingua ya’l verde hai que lo caltener, pero d’un xeitu lo más idoneu posible. Arriendes d’ello, hai que planificar cúmo se vei caltener ya finalmente,  pidi un desenrollu,’cause hai qu’amirar p’allantre, pero non cola boucona abierta cumo las vacas nun prau, sinon con enfotu de xenerar bayura, riqueza a fin de cuentas.

Claro que tamién esto dígolo you; ya nun deixa ser una opinión personal, hai quien ataya too eso demientres numái vé negociu direutamente, ya yía posible que llegue al miesmu sitiu pero por outru camín. De cualaquier manera ésta yía una bona forma d’axuntar medio ambiente ya llingua; El verde ya la fauna asturiana ya la llingua asturiana ya gallegoasturiana.


Sedría muncho yá poner outra vuelta eiquí’l video d’A Galega; a min prestóume ya nun canso vellu, pero quién yá lu véu yá nun-y tien cuenta perder nestas llinias tiempu. Ya quien nun lo viera, bono ta nel YouTube, el video yía fácil d’atoupar. Muncho recomendable.

Au sí quixera llegar yía, por mor de que las eleiciones asturianas tán yá eiquí, apuntar que sedría -ya sinon pa éstas pa vinientes- una bona reflexón ou, seique enfoque nos programas electorales. Igual taba bien dicir, ¿Somos ecoloxistas? Entós sedrémoslo pa too…

N’Asturias hai un partíu nel gobiernu que yía Los Verdes d’Asturies. Ellos dicen que tán pola ecoloxía, ya tán pola llingua; pero ensin quitar importancia nin a lo ún nin a lo outru… ¿tán a partes iguales ou tán más por ún que por outru? ¿Ya los demás partíos que tán pola ecoloxía? [Ya por favor, que tán de verdá, nun val dicir, por exemplu, “El PSOE tien una conciencia ecoloxista” cuando yía pura mentira] ¿Ya los que tán pola llingua? [Ya nesti exemplu falar de la URAS, sí sigui existiendo, ya si ta pola llingua, cousa que nun me paez, si dicen que tamién tán por caltener el medio ambiente].

Claro que, llueo tamién cada partíu políticu ya cada persona yía un mundu: por exemplu nun veo que’l PP tea nin polo unu nin polo outru (cuidáu, sacante de las esceiciones que pueda haber en cualquier partíu, PSOE ou URAS incluyíos). Ya que tamién hai partíos ecoloxistas ya que tán pola llingua pero bono…

Na, Puxa Asturies!

 

Hungría

2 Comentarios

Non, nunca tevi. Pero’tis esto lo que pasa cuando nuna Unión Europea prima’l capital’bout otros factores: políticos, educativos, sociales…

¿Ú vamos? ¿Pero nun ta bien yá? ¿O nun somos deprender? A esta xente había que-y dicir: Ustedes señores, vamos ver, ¿quieren aprobar eso? Val, son llibres, pero entós han salir fuera del ámbitu de la Unión Europea. Esto’tis, si aprueben aquella constitución el so país sal de la Unión.

Clarín. Qué tol mundu s’entere.

Pero non, nun va ser asina. Equí miedren los partíos xenófobos d’ultra derecha, pero bono, claro,’cause ta montao tal como ta.

Islandia foi a bancarrota, los sos políticos dimitienon, y cómo resultáu, el país aprueba una Constitución. Si’l sistema falla, el sistema falla y puntu. Nun hai que siguir catando’til escosar el tetu.

Y equí va pa toos, pa España tamién. Y Finlandia, con tolo país nórdicu que tea fechu, tamién tamién.

¿Pero nun tábamos por una europa social y democrática de los ciudadanos y los pueblos? ¡Qué mierda’tis esta! ¡Qué gran mentira entós…!

Equí o se ta a lo que se tien que tar, o que boten fuera a los socios como Hungría, como Polonia o otros, como España, Finlandia o Francia.

Lleguen les eleiciones

Leave a comment

¡Pidí, pidí mios fíos! Que yá vos darán…

Pero non, sicasí, una vuelta más, toquen les campanes a eleiciones, pa la Xunta Xeneral, pal Conseyu de Gobiernu del Principáu d’Asturies, pal Presidente d’Asturies, pa los Conceyos…

Sicasí, nun vos esmolezáis: sólo hai que votar a dos llistes, a la del Conceyu y a la de la Circunscripción a la que tea ún circunscriptu. Atiendi, queríu llector que circunscripción’tis una cosa y circuncisión’tis otra.

Y nun vos lo van dar fácil pa nada, fácil nun dan más que’l saludu y les gracies, ellos eso sí, el pidir tienenlo que tal-ys paez que-ys ficiera la boca un fraire.

Esta vez llega Cascos: Cascos The Return. Siempre dixe que si tuviera una burra y fora machu ponía-y de nome Cascos. Eso sí, ensin l’Álvarez. Porque bon, non ’tain’t pa facer la gracia, pero ¿a qué Cascos’tis bon nome pa una burra? [Nota: Nel Occidente burra quier dicir caballu. “Burro”’tis pollín]

Cascos, IDEAS, UPyD… Buah.

Paradóxicamente, IDEAS y Cascos tienen un poco’l mesmu aniciu: el de la URAS, esto’tis, el PP. Asina, pue dicise:

PP= Cascos+IDEAS+URAS+PP

Pero yo nun-ys culpo,’cause esto’tis un sistema multipartidista, y pa siguir un mesmu color ta yá el fúbol. Sé, como siguidor del Uviedín, lo que pinto nesti párrafu…

Bono, eso’tis la derecha. PP+Cascos+IDEAS+URAS. Pela parte la URAS, nun sé -esto’tis una opinión mía que conste- cómo un partíu respetáu y con bien de simpatía, como’tis’l PAS- xunta con ésos. El Partíu Asturianista, que tien la so solera yá, que tevo ehí, que fixo coses, que sirvió pa pensar’bout Asturies, y más… cola URAS. En fin.

IDEAS, siempre lo dixe, diba ser meyor amigu pal PAS. Con una rede consolidada en dellos conceyos, y una mentalidá más abierta, podía ser, seique, un bon collaciu nos folleros de la política.

Claro que pa velo, había que tar ehí.

Por supuesto, Cascos va pautar el siguiente gobiernu asturianu col PP. Va ser l’IX del PP. Que naide nun sé enquivoque…

Y UPyD nun van arrañar nin un catarru, conque d’esos meyor nun poner nada, nun vayan prender les paveses entá… que miéu dieron nes eleiciones europees n’Asturies.

Home ho, Javier Fernández, un rapaz ho. Qué dicir d’él… El de Mieres va facer una oposición, pero oposición ¿de qué? Va ser na próxima llexislatura mui prestosu velu facer oposición a Casos+PP.

Eso sí, IX-LV, fora del Gobiernu, pero esperemos que con más pesu na Xunta Xeneral, pa que daquién diga daqué. Anque mala apuesta la de dir de la manina del PSOE estos años.

Y -bono, decataivos qu’esto’tis too una opinión mía, una conxetura mía, un pronosticu- finalmente Bloque-UNA. Falo ehí duramente na Xunta Xeneral, dando guerra a la Derecha. Defendendo Asturies. Pena que tea tola fuercia nel Centru del País…

Andecha Astur y el PCPE van quedar, presumiblemente, fora de la Xunta Xeneral, de la manina con IDEAS y UPyD. De xuru tamién va quedar el PAS, y siéntolu de veras. Sientolo pol PCPE, por AA y pol PAS. Sólo espero, entós, que se llante Bloque-UNA y IX-LV medre. Y PSOE y PP perda pesu.

Y esi’tis’l mio pronósticu.

Pd. Nel Occidente Cascos va arrasar, y el PP va baillar. Equí va tar ente PSOE y Cascos.

Aniversariu de la II República

Leave a comment

Aínda güei’tis aniversariu, sí, ente otros de la proclamación de la II República Española.

Poro, ehí va l’himnu…

 

L’himnu del Xeneral Riego, asturianu de Tuña y l’himnu nacional, depués. SIrva d’homenax a la República, a los que la defendienon, y a los que s’alzanon nel 1934 contra la reacción.

Las Axencias de Valoración

Leave a comment

Agora que se planea, pola OTAN armar rebalbos libios pa dir contra Gadafi, a min ocúrreseme un actu inda de más humanidá, ya yía entrar con un tanque a la brava a las estremadas sedes de las Axencias de Valoración financieras, estás que ponen la mierda aquella d’una A+, BB, ou outras putas mierdas.

Ya fundienon a Grecia (val). Pero tamién a la Irlanda -británicos, súbditos de sua Graciosa Maxestá- taban cumo unas castañuelas, ya you entiéndolos: Cumo pa non, la verdá.

Ya tocó-y el tiempu a Pertual; los probes vecindeiros. Ya digo vecindeiros’cause los prósimos na llista de las utres especuladoras somos nós, súbditos de sua Católica Maxestá.

Estas axencias son, eso cumo utres puros, dedícanse a la puta especulación, faciendo las suas predicciones ya predicaciones, ya ensin muncho predicamentu nin miramientu con procuru mandan al probetayu turnu a la mierda.

Ya sí, na súa axenda taba Grecia, la Irlanda, Pertual… ta España, que yía la siguiente ya si inda quedan ganas ya paciencia, Italia ya Bélxica. Ya puta mierda especuladora, cúmo non, xunta cola raxa, cola reacción neocon-neolliberal hériede nel sou casu del tardofranquismu hériede de la tecnocracia puta.

Agora ente outras cousas salen con que, nel Reinu, hai que reducir el gastu nas autonomías. Pero Pertual, Grecia, ya Irlanda son países centralistas al máximu. Ya Alemania,’tis un estáu federal, qu’amás cola crisis tovía yía quién a crear emplegu. Pero cumo Austria, que son harmanos, anque equí nun se crea emplegu; pero aguanta rellativamente bien la crisis.

Bono tou cambiando. El casu yía que las Axencias d’Especulación ou de Valoración, que nun deixa ser un eufemismu, son güei en día gurús de la estratexa económica, ya faen ya desfaen.

¿Qué son? Son empresas privadas qu’asesoran a diversos organismos ya instituciones varias, ya dicen cuando sí ou non daquién ta empufada. D’asegún ellos, claro.

Ya esta yía una desventaya de tener una moneda en común: si ún vei a la mierda… palmamos toos.

Por cierto, nun dixe qu’estas Axencias d’Especulación son instituciones de raigame anglosaxón, americanas ou inglesas. ¿Non eh? Ello ha llugar por mor de la súa tradición contable ya auditora privada: ellí son las empresas quienes crean las normas contables ya l’Estáu quien las ratifica.

Conque ehí tán, especulando duramente, siempre al serviciu del capital. Agora mete perras equí, agora sacalas d’ehí, agora vamos mandar al carayu a estos probes a ver qu’arrazcañamos, ya total buó, pagan los probes aforradores, la clas trabayadora, la xente la cai.

Ya lo meyor de too yía que, cuoñu, tán bien vistos. Pueis son unos parásitos que taban meyor mamándola. Ou sayando oucalitos. Cola seca qu’hai, tamién regandolos, pa que miedren altos.

Older Entries