Vanilla Sky

Leave a comment

¡Oh gran película!

La peli de Vanilla Sky’tis una adaptación de Hollywood de la película Abre los Ojos, de Almendravar.

Pero la novedá’tis que na versión americana sal Tom Cruise, que si nun para quietu y lu sacan  dicía que tragaba un destornillador, y los directivos por nun lu pagar por buenu (porque en realidá tener teníen ganes de que tragara’l destornillador d’una vegada por toes) sacanonlu.

Conque ehí salió Tom Cruise nel papel que na peli española tenía Eduardo Noriega. Choca, por soca,’cause’tis una metáfora: Depués del accidente amuesan non la belleza tresfigurada n’accidente, sinon a Tom Cruise como’tis per dientro, ehí ensin más, a lo palombu.

¡Mialma nunca lu pudi ver! Poro, nun pongo nin video nin semeya, pero ¿alcordáisvos de la peli que digo?

Abre los ojos (Abri los güeyos)’tis una peli española dirixída por Alejandro Almendravar, na que’l prota (Eduardo Noriega -sobrín del gaiteru Inaciu Noriega Q.P.T.)’tis un mozu con éxitu en tolos aspectos,’til que, por tontu se mete nun coche con Najwa Nimri, y hay que tener valor: yo nun lo fadría, nin comía nada de lo que me punxera, que sabe Dios…. 

El casu’tis que tres una espicha Eduardo Noriega va buscar la gaita con Najwa Nimri y pleguen el coche contra una muria, pero lo de la muria en sí nun tien muncha importancia, pero póngolo por si acaso,’cause nun remembro bien del too. El casu’tis que cuando Eduardín esconsona tien el caretu que nun sabe si’tis él o Francisco Álvarez-Cascos y la enfermera diz-y cuando lu ve “¡Coño, un Critter!” y como d’aquella saliera’l PP del otru naide s’ocupaba.

Bono, y entós a Eduardín -desque lu identifiquen- acabase-y el chollu,’cause nun había tampoco subvención de ningún tipu: Nun vivía n’Asturies, sinon en Madril y ellí la cosa ta permala.

Y la so vida entós’tis una mierda,’cause fartuca a Penélope Cruz, lo cual salva-y pero entós entra-y una dulda, y eso’tis lo peor tres una ruptura nuna rellación sentimental. Como’twas yuppie, bono pues supéralo, y cuando vuelve recaer apaez un francés y dici que yá ta preparada la ciencia p’arreglá-y lo d’él. 

Pero eso nunca lo sabremos amiguinos.

Pd: Nun diba prestar que’l francés-y dixera “Piquesti:’tis chancia” y llueo ver al probre Eduardo ehí desfaciéndose tou, fechu caldu… Gran final alternativu.

Cambeos na Bitácora

Leave a comment

Bono, pos nada, que doi l’anuncia de que’l miou cuadernu dixital tien que dir p’allantre, cumo sía, que teo ganas de ver movimientu, ya entós, eso.

Asina que presento unas nuevas estaxas, un pouco asina cumo si foran dellos blogues dientro d’un sólo blogue. Porque yo soi asina, hai que ser arrogante.

Conque la cousa yía asina. Amestéi unas estaxas (ou estayes) que son:

El Filologuín Caleyeiru

¿Qué asturianu nun lleva un filólogu dientro? Yá lo dicia’l miou amigu Inaciu Galán nuna entrevista: tolos asturianistas llevan ún. El míu yía, amás, respondón.

Las duldas que tea (ou tean los veceiros)’twilln tratadas, pero nun prometo rigor. Eso sí, prestará. Que tamién yía importante.

Ello’twas una vegada… Cine

Hmmm. Eiquí uso la frase: “Once Upon a Time…” que fora la que marcara la triloxía del miesmu nome del director italianu Sergio Leone, “Once upon a time (in America, in the west, in Mexico)”.

La mia sección de cine, en definitiva.

Lliteratura escrita con lletra grande

Qué sí, qu’a toos nos presta escribir ya lleer. Pero llibros con munchos debuxos ya lletra grande, que si non yía un rollu ya cansa la vista. Buó, pues ehí ta la sección lliteraria, pero nun viciéis… ya nun me faigáis dañu.

Alivántate Alifonsu, que vienen los alifantes

 Los asturianos, siempre mirando pal norte. Asturias yía una parte de la península ibérica que mira tradicionalmente pal norte… ya pon-y güeyinos ya carinas.. Pero tres los Montes Fimíssimos hai vida. 

A los asturianos (ya tamién a los gallegos) de la que vamos a provincias llamannos “Farrucos”,’cause somos “insolentes, altaneros”. 

Nun lo saben bien. 

Pues vei dedicáu a los cazurros, cazurros castellanos ya madrilanos, cazurros de mar, ya de las suas cousas ya outras qu’asoceden na Península.

La frase yía tomada d’una espresión tradicional dee Palacios de Sil, nun significa nada, pero igual tien rellación con aquella outra: “Entresti cumo un elefante nuna cacharrería”.

A los cazurros tampouco-ys vei mal.

Hestorias del Mundu Ruraliegu

Ou cenciellamente Mundu Ruraliegu,’twill la seición óu falaremos de socesos qu’ocurren n’Asturias, pa la faza rural, yía la versión llariega d’Alivantate Alifonsu que vienen, los alifantes. Bono, ou la outra yía la versión internacional d’ésta. Quién lo sabe, col mundu tan globalizáu…

 Teo miéu que sía la qu’a min más me preste…

Dalgunas seiciones yá funcionaban, pero yá van xorrecer; outras son nuevas. Ya momento estas nuevas seiciones, pero vendrán, vendrán más….

 

Lleendas 1

Leave a comment

Eiquí vein unas lleendas recoyidas nel Conceyu Salas. Una serie de lleendas, van ser, de cuando la guerra. Son cousa chocante,’cause fonon verdá. Sedrían pa unviar a Cuarto Milenio, a la canal Cuatro, ehí cuntadas por Berto Peña, por exemplu,’cause son hestorias mui asturianas, anque tamién ya toi viendo a Emilia Pardo Bazán naquel volume que no piedieran lleer pal Institutu, d’El Destripador de Antaño y otros cuentos, una obra que, suaño, touviera escrita en gallegu de la dómina.

Una pena.

Pero fonon cuntadas esti día pasáu, por un cura, depués d’una misa, nuna aldega de Doriga. Cuento atropar más, ya dir colgándolas eiquí. Ya col nuesu falar tamién, que-y da un nunseiqué asina cumo queseiyóu.

Cumo las hestorias ocurrienon, fonon socedíos de verdá, you vou axeitallas de tal xeitu que nun apaezan los nomes de las personas que se vieran involucradas n’ellas, pero cualquiera pue arimase a la zona, agora yá hai autovía’til Doriga, ya pue entrugar…

La Blasfemia de Nava

Igual nun lo saben, pero hai un Nava nel Conceyu Salas. Trátase d’una aldega pequena, na parroquia Cermoñu, frente la Sierra las Traviesas. Tien un guapu allugamientu, vese aquella sierra al norte, ya pal Sur vese’til Somiedu ya tol partíu Sierra en Cangas. Ya’l valle’l Narcea. 

Hai, naquella aldega, una capiellina unde inda güei cellebran la misa a San Miguel Arcanxel, yía l’advocación de la capiella, amás.

Conque, por tradición, ehí na zona los travesiegos arimaban pa colos del pueblu de Llaniu, ya diban contra Corniana, dambos los dos territorios. Había yá cuando la guerra bien de rivalidá, ente travesiegos ya xente de Llaniu (diban cola República) contra Corniana (Nazionales). Ya yá miesma parroquia de Corniana hai pueblos que tiran más pa contra Cermoñu que pa Corniana, son Soberriba ya Santa Eufemia. 

Dende esi pique, un peisanu (con nome ya apellíos) dicía una blasfemia, que llegóu, seique, a oureya’l Santu,’cause blasfemaba contra San Miguel: “Oxalá medrara tanto’l ríu que los de Llaniu touvieran qu’atar las vacas a los coyones de San Miguel de Nava”.

Entós, al tiempu, ocurréu que tando l’home nel ríu, a pescar, el ríu taba de llena. Ya’l peisanu entróu nun bar d’un pueblu d’aquellos de la Ría. Ya bebéu ya bebéu, ya salíu del bar al atapecer, ya más, inda-y diou la nueiche zarrada, escura, ya l’home trescalóu, ya callóu al Narcea, cola llena qu’había. Ya ehí, llamando al harmanu, pidiendo auxiliu, morréu, tres pidir la desgracia pa Llaniu, ya blasfemiar contra’l Santu


Ye lo que tien. Yo por exemplu nun veo a Machete echando pela bocona contra nengún santo, especialmente contra San Miguel Arcánxel, patrón de la Capiella de Nava, nin contra San Llourienzu, patrón de la parroquia de Llaniu, más’cause dambos los dos son los santos de la parroquia de San Miguel Arcánxel de Llinares, unde cellebramos a San Llourienzu, y ú l’equipu fúbol del pueblu siempre que xugó’twas San Llourienzo y non Llinares….

 

Oscars

Leave a comment

Y l’otru día nos oscars, dixeramos que ganara En Tierra Hostil a Avatar. Pal min ver, inxustamente.

Otres inxusticies nos oscars:

-El compositor Ennio Morricone, nunca na vida ganó un Oscar, y ameritó pa ello: La Triloxía del Dolar, la Triloxía d’Érase una Vez, la Misión…etc. Nel 2006 recibió un óscar honoríficu, pero eso nun val.

-El gran Stanley Kubrick, filmó La Chaqueta Metálica, Barry Lyndon, A Clockwork Orange, Una Odisea nel Espaciu, Espartaco, Teléfono Rojo/Volamos hacia Moscú, El Resplandor, Senderos de Gloria y Atraco Perfecto, pero nunca recibió un óscar. Eso sí, Una Odisea nel Espaciu recibiolu a los meyores efectos especiales.

-Alfred Hitchcock, que ganó sólo un premiu en memoria d’Irving Thalberg, pesie a facer pelicules como Psicósis, La ventana indiscreta, Sospecha, La soga, El hombre que sabía demasiado, Los pájaros o Crimen Perfecto.

Pero esto’tis Hollywood y na industria del cine, les coses furrulen asina.

oscars.jpg

El Nuevu Cine de la Guerra (d’Iraq)

1 Comentariu

Yo les coses d’almugada hai que les dexar en casa. O si prefier ún, les coses de matrimoniu, esa santa institución que, ensin dexar de ser puru negociu -ente dos partes; l’home y la muyer; la muyer y l’home meyor dichu- constituín ún de los pegoyos, non sólo de la nuesa sociedá, sinon seique del ser humanu.

Porque los seres humanos querémonos. O queremos dalgo. O a daquién. Del sexu contrariu, tamién del nuesu, y inclusive animales. Exemplos habelos hailos y nun vienen a cuentu.

Poro, d’esta gala última de los premios Oscars, del cine norteamericanu chocóme muncho, muncho, muncho que llegaren a la puya’l premiu -val hom, yá sé que nun hebo puya, que fo competitividá puro y duro- la pareya Kathryn Bigelow (ella) y James Cameron (él), dos direutores de cine que nun sé si se quixeron muncho o sólo teníen puru interés especulativu; pero’l casu’tis que tuvieron casaos, allá polos años 90 del sieglu XX.

Esto vien’cause debió tar guapa la competición ente ex-muyer y ex-maríu; si los garren los de la prensa’l corazón… ellí en norteamérica son Celebrities.



Y ganó ella (Kathryn Bigelow). La so película, “En Tierra Hostil”, ganó a “Avatar” (la del ex, James Cameron).

La peli va de la guerra d’Iraq, un puntu que se dedica a desactivar bombes y explosivos que, en fin, habéis mirala. Dame que xugó la baza de la emotividá. Y salió-y reondu.

Personalmente, creo que’twas muncho meyor el cine bélicu que ficieron de la II Guerra Mundial o de la Guerra del Vietnam. Especialmente remembra la situación d’esa dómina de los Estaos Xuntos. Pero de momento, nun hai nenguna peli’bout Iraq como Apocalipsis Now, La Chaqueta Metálica o Platoon.

Y dame que nun la va haber…